Një tentativë për grabitje është shënuar mbrëmjen e djeshme në Roskovec, ku disa persona kanë hyrë në një banesë.
Grabitësit janë pikasur nga pronari i banesës dhe kushëriri i tij, teksa ndaj këtij të fundit është qëlluar me armë zjarri duke e plagosur në këmbë.
Fqinjët kanë folur për mediat, ku kanë treguar se kjo nuk është hera e parë që banesa bie pre e grabitësve.
Të moshuarit mësohet se kanë një djalë në Angli, ndërkohë që grabitësit kanë qenë pesë persona.