Një mace e zhdukur për 20 vite kaloi dy ditët e fundit të jetës me pronaren e saj. Macja ishte zhdukur nga shtëpia e Christine Ball në Nantwich në 2001 para se organizata për mirëqenien e kafshëve në Britani ta gjente të premten e kaluar.
59-vjeçarja kishte hequr dorë nga shpresa për ta gjetur përsëri Phoebe-n pasi kishte postuar shumë fletëpalosje rreth zonës së saj lokale dy dekada më parë. Ajo u trondit kur mori një telefonatë nga RSPCA për t’i thënë se macja ishte gjetur.
Christine tha se ishte mirënjohëse që organizata kishte qenë në gjendje ta gjurmonte atë për t’i dhënë lamtumirë kafshës së saj të dashur. “Ajo u zhduk kur ishte vetëm dy vjeç, mendoj se dikush ndoshta e mori dhe humbi, sepse gjithmonë qëndronte afër shtëpisë.”, tha Christine.
