Një pacient 73-vjeçar i diagnostikuar me koronavirusin Covid-19, ka ndërruar jetë mbrëmjen e sotme në spitalin ‘Shefqet Ndroqi’. Lajmi konfirmohet nga Ministria e Shëndetësisë e cila bën me dije se pacienti kishte prej 24 ditësh i intubuar.
73-vjeçari i indetifikuar me inicialet H.K, nga qytet i Durrësit vuante gjithashtu edhe nga sëmundje të tjera shoqëruese, pneumonia bilaterale, detres i rëndë respirator (ARDS), me sëmundje bashkëshoqëruese Talasemi Minor dhe Hipertension Arterial.
Numri i viktimave nga koronavirusi Covid-19 në Shqipëri ka shkuar në 29.
Njoftimi i Ministrisë së Shëndetësisë:
Një pacient 73-vjeçar, i konfirmuar me COVID19, i intubuar prej 24 ditësh ka ndërruar jetë në spitalin “Shefqet Ndroqi” mbrëmjen e sotme.
Pacienti 73-vjeçar me inicialet H.K., nga Durrësi ishte prej thuajse 1 muaji në gjendje të rëndë, me Insuficience respiratore akute. 73-vjeçari vuante nga pneumonia bilaterale, detres i rëndë respirator (ARDS), me sëmundje bashkëshoqëruese Talasemi Minor dhe Hipertension Arterial. Megjithë pëpjekjet e jashtëzakonshme të stafit mjekësor në terapinë intensive, 73-vjeçari nuk arriti të mbijetojë.
Ministria e Shëndetësisë dhe Mbrojtjes Sociale u shpreh ngushëllimet familjeve të të ndjerit dhe apelon qytetarët t’i respektojnë me shumë rigorozitet masat e distancimit fizik, pasi janë përcaktuese për frenimin e përhapjes së COVID-19.
29 qytetarë nuk e kanë fituar dot betejën me COVID19, pavarësisht përpjekjeve të stafeve mjekësore të spitaleve COVID.