Sipas Qendrës Kombëtare të Uraganeve, uragani Delta pritet të zbarkojë mbrëmjen e së premtes në bregdet .
Një tjetër uragan i fuqishëm është nisur drejt Bregut të Gjirit të SHBA-së.
Sipas saj, uragani u forcua në stuhi të kategorisë 3, me erëra deri në 195 kilometra në orë.
Zona që u vendos nën paralajmërim për shkak të uraganit, shtrihet në më shumë se 450 kilometra, përgjatë brigjeve të Teksasit dhe Luizianës.
Më pak se dy muaj më parë, uragani i kategorisë 4 Laura shkatërroi shtëpi në Luizianë dhe u fajësua për vdekjen e së paku 30 njerëzve.
Mijëra njerëzve në Llejk Çarlls të Luizianës iu kërkua që ta marrin situatën seriozisht. “Kjo nuk është një ëndërr e keqe.
Nuk është një provë”, tha kryetari i qytetit, Nic Hunter, në një video në Facebook.
“E di që kemi kaluar shumë dhe e di që jemi lodhur. Por, ne kemi një punë për të bërë tani dhe ajo punë është ta mbajmë veten të sigurt”, tha ai.
Sezoni i uraganëve në Atlantik ka sjellë vetëm këtë vit 25 stuhi .
Parashikuesit e motit thonë se numri dhe intensiteti i stuhive janë rritur në vitet e fundit si rezultat i ngrohjes globale. Ru.Do/Fjala.al