Një ngjarje e rëndë është shënuar mesditën e sotme në qytetin e Fierit. Djali 25-vjecar ka goditur në kokë me sende të forta babain e tij i cili ka gjetur vdekjen e menjëhershme.
Policia bën me dije se shkak se ngjarja e rëndë ka ndodhur për motive të dobëta.
Njoftimi i policisë:
Fier
Informacion paraprak
Sot rreth orës 11:50, në fshatin Luar, Roskovec, në banesën e tij, shtetasi E. R., 25 vjeç, për motive të dobëta, ka goditur në kokë me sende të forta(shkop), babain e tij, shtetasin Dh. R., 52 vjeç, i cili ka gjetur vdekjen e menjëhershme.
Policia ka bërë të mundur kapjen e autorit dhe shoqërimin e tij në Komisariatin e Policisë.
Po kryhen veprimet procedurale dhe hetimore për zbardhjen e plotë të rrethanave të ngjarjes.