Profesori i njohur Kosta Gazeli ka ndërruar jetë në Athinë, pas betejës me një sëmundje të rëndë.
Lajmin e kanë bërë të ditur familjarët e tij në Athinë.
Gazeli ka bërë disa detyra të larta në administratën shtetërore në Ministrinë e Brendshme, në Ambasadën shqiptare në Athinë, në Avokaturën e Shtetit etj. Ai vuante prej muajsh nga një sëmundje e rëndë, prej të cilës nuk shpëtoi dot.
“Me dhimbje njoftojmë lajmin e trishtueshëm të ndarjes nga jeta së kolegut dhe mikut tonë shumë të dashur, prof. Kosta Gazeli. Sot paradite familja e tij na njoftoi nga Athina, ku ai mjekohej prej disa muajsh, se miku ynë i mrekullueshëm Kosta, nuk e fitoi dot betejen me sëmundjen e rëndë nga e cila vuante prej disa muajsh.
Kjo ngjarje e dhimbshme ka prekur thellë të gjithë ata që e mësuan dhe ka risjellë në mëndje vlerat e tij.
Prof. Gazeli ka qënë shef i katedrës të së drejtës penale në ish Shkollën e Lartë të Ministrisë së Punëve të Brendshme dhe nëFakultetin e Drejtësisë të Universitetit të Tiranës”,- thuhet në njoftim.