Dy oficerë policie në Londër akuzohen për sjellje të jashtëligjshme gjatë ushtrimit të detyrës, pasi ata bënë foto në skenën e një vrasjeje të dyfishtë dhe më pas ndanë fotot në rrjetet sociale.
Lidhur me këtë akuzë, Denise Jaffer, 47 vjeç dhe Jamie Lewis, 32 vjeç do të paraqiten në gjykatën Westminster më 27 maj, tha zyra e prokurorit në një njoftim për shtyp.
“Gabimi profesional që ata dyshohet se kanë bërë, ka të bëjë me hetimin për vdekjet e dy motrave Biba Henry, 46 vjeç dhe Nicole Smallman, 27 vjeç, të cilat u goditën me thikë në Parkun Fryent Country në Wembley në qershor të vitit 2020”, raportojnë mediet e huaja.