Drejtoresha e Komunikimit të lëvizjes “Foltorja” që ka si nismëtar ish-kryeministrin Sali Berisha ka të qartë diçka, takimet e liderit historik të Partisë Demokratike duhet të jenë sa më entuziaste para kamerave.
Në nisje të foltores së mbajtur virtualisht ditën e sotme me shqiptarët në Florida të SHBA-ve, Garo nuk e dinte që transmetimi drejtpërdrejt kishte nisur dhe filloi të jepte udhëzimet. Drejtuar sallës, Garo kërkoi që ata të ishin sa më entuziastë.
‘Kur t’ju prezantoj unë do të kaloni tek pamjet e panelit. Salla një gjë tregoni pak entuziazëm. Shumë mirë, zërin e sallës duam të dëgjojmë ne!’- tha Garo.