Kaosi i krijuar në seancën e sotme në Kuvend për gazetarin dhe analistin Lorenc Vangjeli është një turp i madh. Në emisionin ‘Kontrast’ në Report Tv Vangjeli tha se i vetmi i penalizuar sot ishte publiku që mbeti i painformuar, pra transparenca mungoi sërish.
Ai u shpreh se ky është një parlament që për nga niveli është më i ulët se mesatarja e shoqërisë shqiptare.
“Një Kuvend më poshtë se mesatarja e popullit shqiptarë. Dy palë që vendosin të përdorin vetëm gjuhën dhe jo veshin. Seanca sot në Kuvend nuk kishte më shumë se 2-3 pika ujë dhe u mbytën të gjithë aty. Ka një nevojë ulëritëse të publikut për t’u informuar që është penalizuar sot”, tha Vangjeli.